Ôbejrzij Portfolio
Bez pŏra lŏt szaflimy kupa projektów – ôd przekłodu zaproszyń na wesele abo insztrukcyjōw parkowaniŏ, aże po sroge przekłŏdy systymōw ôperacyjnych. Chcymy sam poasić sie nŏjbarzij wertownymi projektami.
Ślōnske teksty do outdoorowyj kampanije ôd marki Coca-Cola
Narychtowalimy hasła ryklamowe marki Coca-Cola Limie i kōnsultowalimy zasiyng prōmocyje - dziynki nōm ryklamy bōłe pokŏzane na historycznym Gōrnym Ślōnsku.
Przekłŏd informacyje prasowyj do marki Coca-Cola
Teksty prasowe po ślōnsku narychtowalimy skuli kŏżdorocznyj świōntecznyj prōmocyjnyj akcyje fyrmy Coca-Cola.
System Android dla Samsunga
Przi tym projekcie robiyło trzech naszych przekłŏdaczy - Basia Grządziel-Szylar, Adrian Górecki i Rafał Szyma. Dziynki przekłŏdowi narychtowanymu pod regiyrōngym towarzistwa Pro Loquela Silesiana, ślōnsko gŏdka je dostympnŏ w nŏjnowszych modelach mobilniŏkōw.
Gra Euro Truck Simulator 2 dla CD Projektu
Dziynki przekłŏdowi Grześka Kulika moglimy pograć we piyrszŏ gra kōmputerowŏ po ślōnsku. Jeji sztart bōł kōmyntowany w mediach w cołkij Polsce.
Silesia City Center
Dlŏ nŏjsrogszego cyntrum sprŏwōnkowego na Ślōnsku narychtowalimy ôpisy klamotōw po naszymu i polsko-ślōnski dykcjōnŏrz sprŏwōnkowy.
Ślonski suchar na dzisiej
Ôd trzech lŏt Adrian Gôrecki i Grzesiek Kulik rychtujōm spōlnie „Ślōnski suchar na dzisiej” – nŏjwiynkszy ślōnski fanpage na Facebooku, kery ôbserwuje już 90 tauzynōw ludzi. Zasiyng zajty idzie tyż wykorzistać we kampaniji reklamowyj.
Dentim Clinic
Do kliniki dyntystycznyj Dentim narychtowalimy przekłŏd materiałōw edukacyjnych do akcyje „Jysz? Pucujesz!"
Agora Bytom
Adrian Górecki i Grzesiek Kulik spōłprŏcowali przi rychtowaniu m.in. wystŏwki ślōnskich mymōw i spiyrali galeryjŏ handlowŏ przi ôdprŏwianiu kampanije prōmocyjnyj swiōńzanyj ze przileżytościami „Zŏlyty po ćmoku” i „Na ślōnskŏ nuta”.